| 入左 psd 都差不多成個月喇 工作都算係越做越熟既 呢兩個星期，見少好多名人名星 見過黃仁龍、梁錦松 2R O既 Race (比起兩年前書展見，殘左好多，瘦到離晒譜) 郭富城 (好想當面同佢講，“瘋暈易”唔好睇啊！！！) 又見到絕無神任達華個老婆，琦琦 PS： 以前個部門 HC 響前日正式執左 好多舊同事比人炒左 有 d 停薪留職，等安排保安課程 有 d 賠錢送佢走 未過試用期既就直接唔續約 ......好多好多無人情味o既事發生 大大話話一共 100人o既部門 炒剩果 30幾 40個，睇到都好灰 PS2： 呢幾日開始 plan 緊點樣盡量放晒 d 紅日同 annual 佢 唉！最快都要四月先囉到成個星期大假囉 |
| |
| 調左落 PSD 已經一個多星期 工作都算習慣 好彩呢幾日守職通 無咁多人，無咁多行李 無咁累 呢個禮拜見到律政師師長黃仁龍 台灣明模林嘉綺 (佢過金屬門響比要女同事 hand check) 星期五晚放工 原來同事春天生日，生日快樂啊 搞唱K，由 3個更O既人接力唱 我就 11PM放工，1230到 MK 一路唱到第二朝 6點先番歸 去到樓下同阿爸阿媽食完早餐 8點到開始訓，訓到 2點就出門口 去奧海城同阿牛睇風雲 II 不過太多特技太少劇情喇 特技有唔係唔好 不過如果見到步驚雲舉起把劍成 5分鐘 儲夠氣喇！先捨得劈落去 真係悶都悶死喇 響情義結之下，50分啦 如果無追開漫畫，唔係 fans 千祈唔好睇，一定比齣野悶死 睇完戲一齊番團契 散 band 後響朗豪食晚餐 |
| |
| 入左 PSD 一個星期 Passenger Screening Division 個網頁話 PSD 係個精英部門，真係得啖笑 http://www.uwants.com/viewthread.php?tid=6207848&page=1&authorid=882198 4日在職訓練 + 3日正式落場做野 第一日，覺得唔錯 因為 PSD 通常係一 team 人長 part 加上有個係我之前個部門o既 fd 所以覺得唔錯 最重要係因為有時需要 Hand Check D旅客 部門o既男女比例係 4女 1男，正 應該係全公司第二個靚女雲集o既部門 (另一個係全女班o既 CS 顧客服務組) 一黎我已經差不多做過全部崗位 (只係差睇 X Ray、同爆炸品分析員無牌唔做得住) 第二日，可能同事開始多左比我單獨做野 所以果日犯錯都幾多下 走漏左一次，比人帶左水入閘 有個客個袋有萬用刀無第一時間唔比佢囉行李 搞到要追番佢番黎，最後累開行李位師兄比人罵 仲有比旅客支可樂噴中 (因為要倒，佢決定開黎飲兩啖，結果...... 好彩o既係，只係噴中條褲少少，白恤衫完全無事) 第三日，即係尋日，經過左 day 2 咁失敗既經歷 Day 3 醒定左好多，無犯過錯 無驚無險咁安然渡過 繼續努力工作，暫時目標由原來過咪年囉雙糧就走 推遲到考咪 X Ray、爆炸品分析儀 Ionscan o既牌 大概過左 4月復活節，再作打算 |
| |
| 終於完成 11日o既航空保安員訓練課程 小弟好順利咁通過左 3個 連 d 阿毛阿伯都合格o既保安員試喇 分派左去旅客檢查組 PSD 都唔錯既！係 7個部門入，我派第 2鍾意既 公司派左件新制服黎 係我想要好耐o既黑色恤衫 + 一隻金鷹扣章 另外，由白板仔升左做一柴，正式係個 SO 喇 今日繼續努力工作，直至過咪年，再為將來打算 |
| |
| 聽日開始就要受訓 之後轉部門，換過新環境工作 HC 已經成為過去喇 尋晚番工，響輕鐵遇到張老闆 原來佢約左 HD 班同學食飯 唉！果一刻我不知幾想即時囉個 sick leave啊 最後一晚，我 miss 左張智琳同接佢機o既袁詠儀 不過臨放工交更o既時候見到黃子華 算係補番數啦！哈哈 最後，好多謝 HC 一眾時時刻刻睇照住我o既阿頭 肥仔光、大力、珊姐、阿章、廷鋒、阿仁、熊貓 Carman、903、口 MARK MARK、英 SIR 梅姐、妙 LING 姐.........好多好多 |
| |
